मुंबई GMLR प्रोजेक्ट में तेजी, नेशनल पार्क के नीचे पहली टनल की 183 मीटर खुदाई पूरी

🔷मुंबई महानगरातील वाहतूक कोंडी सोडविण्‍यासाठी व सुगम, अखंड प्रवासाच्या उद्देशाने बृहन्‍मुंबई महानगरपालिकेने मुंबई किनारा रस्‍ता (उत्‍तर) हा महत्वाकांक्षी पायाभूत सुविधा प्रकल्‍प हाती घेतला आहे. हा मेगा प्रकल्‍प आंतरबदल व जोडरस्‍त्‍यासह सुमारे ६० किलोमीटरचा असून वेसावे - भाईंदर ही नगरे किनारा रस्‍त्‍याने जोडली जाणार आहेत. या प्रकल्पाच्या उभारणीचे काम ए, बी, सी, डी, ई, एफ आणि दहिसर - भाईंदर जोड रस्‍ता (DBLR) अशा एकूण सात टप्प्यांमध्ये (Package) विभागण्यात आले आहे. 🔷महानगरपालिका आयुक्‍त श्रीमती अश्विनी भिडे यांनी आज विविध प्रकल्‍पस्‍थळास प्रत्‍यक्ष भेट देऊन पाहणी केली. तसेच, आवश्‍यक ते निर्देश दिले. 🔷दौऱ्याची सुरुवात दिंडोशी न्यायालय येथील गोरेगाव कनेक्टर उन्नत मार्गाच्या (Elevated Route) कामापासून झाली. गोरेगाव- मुलुंड जोड रस्ता प्रकल्प अंतर्गत दिंडोशी येथील दादासाहेब फाळके चित्रनगरीकडे जाणारा उड्डाणपूल बांधून तयार आहे. या पुलास मुंबई किनारा रस्ता (उत्तर) कनेक्टरद्वारे जोडला जाणार आहे. पॅकेज बी अंतर्गत गोरेगाव- ओबेरॉय मॉल येथे उभारण्यात येणाऱ्या उड्डाणपुलाच्या ३८ पैकी ११ खांबांचे बांधकाम पूर्ण झाले आहे. जलवाहिनी स्थलांतरीत करण्याचे काम सुरू आहे. त्याची सविस्तर माहिती श्रीमती अश्विनी भिडे यांनी घेतली. 🔷मुंबई किनारा रस्ता प्रकल्पाच्या उत्तर टप्प्यातील कामासाठी गोरेगाव येथे विद्यमान वीर सावरकर उड्डाणपूल (MTNL) न पाडता त्याच्या वरून नवीन उन्नत पूल उभारण्याचे नियोजन करण्यात आले आहे. या पुलामुळे पश्चिम उपनगरातील वाहतुकीला किनारा रस्त्याशी जोडणी मिळणार आहे. या प्रकल्प स्थळाची श्रीमती अश्विनी भिडे यांनी पाहणी केली. 🔷मुंबई किनारा रस्ता प्रकल्पाच्या (उत्तर) ओशिवरा लोखंडवाला संकुल येथील कार्यालयात संगणकीय सादरीकरणाद्वारे आढावा घेण्यात आला. 🔷पॅकेज ए अंतर्गत लोखंडवाला- मिल्लत नगर जंक्शन येथे सुमारे १० हेक्टर भूसंपादन पूर्ण करण्यात आले आहे. या ठिकाणी पायलिंगची कामे सुरू आहेत. या कामांची श्रीमती अश्विनी भिडे यांनी पाहणी केली. 🔷याच परिसरात भगत सिंह नगर येथे ओशिवरा खाडीवर उड्डाणपूल बांधण्यात येत आहे. त्याचीदेखील श्रीमती भिडे यांनी पाहणी केली. अतिरिक्त मनुष्यबळ वापरून पुलाची कामे निर्धारित वेळेत पूर्ण करावीत. झोपडपट्टी पुनर्वसन प्राधिकरण (SRA) मार्फत खाडीच्या दुसऱ्या बाजूला असणारी काही बांधकामे हटविणे आवश्यक असून ती हटवली जावीत यासाठी पाठपुरावा करावा. उड्डाणपुलाचे काम पूर्ण होईपर्यंत भगतसिंग नगर येथील झोपडपट्टी पुनर्विकासही मार्गी लागणे आवश्यक आहे, जेणेकरून पूल उतरल्यानंतर विकास योजना (DP) रस्त्याद्वारे नवीन लिंक रोडपर्यंत जाणे शक्य होईल. यासाठीही झोपडपट्टी पुनर्वसन प्राधिकरणा कडे (SRA) पाठपुरावा करावा असे निर्देश श्रीमती भिडे यांनी दिले. 🔷त्यानंतर श्रीमती भिडे यांनी पॅकेज बी अंतर्गत मालाड येथील माईंडस्पेस गार्डन येथे जाऊन पायलिंगच्या कामांची पाहणी केली. एमडीपी मार्ग व माईंडस्पेस उद्यान येथील प्रस्तावित कामाची ठिकाणे / प्रस्तावित कार्यक्षेत्रे (Proposed Work Fronts), उद्यानाची सीमा भिंत (Garden Wall) आणि उच्चदाब वीजवाहिनी (HT Line) उच्चदाब विद्युत वाहिनी आदींची माहिती घेतली. 🔷पॅकेज सी आणि डी मध्ये मालाड येथील माइंडस्पेस ते कांदिवलीतील चारकोपदरम्यान प्रत्येकी सुमारे ३.९ किलोमीटर लांबीचे उत्तर व दक्षिण दिशेचे दुहेरी भूमिगत बोगदे उभारण्यात येणार आहेत. पॅकेज सी अंतर्गत उत्तरवाहिनी, तर पॅकेज डी अंतर्गत दक्षिणवाहिनी बोगद्याचे बांधकाम करण्यात येणार आहे. दुहेरी भूमिगत बोगद्यांच्या बांधकामासाठी कांदिवलीतील चारकोप येथे लॉन्चिंग शाफ्ट उभारण्याचे काम सुरू आहे. या शाफ्टसाठी सुमारे ६५ मीटर लांबी आणि ४० मीटर रुंदीच्या जागेवर खोदकाम तसेच पायलिंगची कामे हाती घेण्यात आली आहेत. त्याची पाहणी श्रीमती भिडे यांनी केली. 🔷पॅकेज ई मध्ये कांदिवलीतील चारकोप इंटरचेंज ते गोराई इंटरचेंजदरम्यान सुमारे ३.७८ किलोमीटर लांबीचा मार्ग विकसित करण्यात येत आहे. त्याची पाहणी श्रीमती अश्विनी भिडे यांनी केली. 🔷अतिरिक्त महानगरपालिका आयुक्त (प्रकल्प) श्री. अभिजीत बांगर, उपायुक्त (आयुक्त कार्यालय) श्री. प्रशांत गायकवाड, उपायुक्त (पायाभूत प्रकल्प) श्री. गिरीश निकम, प्रमुख अभियंता (मुंबई किनारा रस्ता- उत्तर) श्री.मंतय्या स्वामी, उप प्रमुख अभियंता श्री. वैभव गांधी यांच्यासह संबंधित अभियंते, सल्‍लागार यावेळी उपस्थित होते. #MyBMCUpdates @CMOMaharashtra @mieknathshinde @SunetraA_Pawar @ShelarAshish @MPLodha @TawdeRitu @misanjayghadi

— माझी Mumbai, आपली BMC (@mybmc) October 19, 2026