विद्याविहार फ्लाईओवर का निर्माण कार्य पूरा, 10 अक्टूबर से शुरू होगी यातायात, एलबीएस मार्ग को मिलेगी बड़ी राहत

🔷घाटकोपर परिसरात पूर्वेकडील रामचंद्र चेंबूरकर मार्ग आणि पश्चिमेकडील लालबहादूर शास्त्री मार्ग यांना जोडणा-या विद्याविहार रेल्वे स्थानकावरील मुख्‍य उड्डाणपुलाची ध्वनीरोधक (Noise Barrier) वगळता सर्व प्रमुख कामे पूर्ण झाली आहेत. 🔷अतिरिक्त महानगरपालिका आयुक्त (प्रकल्प) श्री. अभिजीत बांगर यांनी वाहतूक पोलिस अधिकाऱ्यांसमवेत प्रकल्पस्थळास भेट देऊन परिसराची पाहणी केली. तसेच, वाहतूक व्यवस्थेचा आढावा घेतला. उड्डाणपूल खुला झाल्‍यानंतर वाहतूक व्यवस्था सुरळीत व सुरक्षित राहील, यासाठी महानगरपालिका आणि वाहतूक पोलिसांनी परस्पर समन्वयाने कार्यवाही करावी, असे निर्देश श्री. बांगर यांनी दिले. 🔷रामचंद्र चेंबूरकर मार्ग आणि लालबहादूर शास्त्री मार्ग यांना जोडणारा विद्याविहार रेल्वे स्थानकावरील उड्डाणपूल दोन मार्गिकांचा आहे. एकूण ६५० मीटर लांबीच्या या प्रकल्पात रेल्वे रुळांवर १०० मीटर पूल, तर पूर्व बाजूस २२० मीटर आणि पश्चिम बाजूला ३३० मीटर पोहोच मार्ग (Approach Road) बांधण्यात आले आहेत. उड्डाणपुलावरून विद्याविहार रेल्वे स्थानकाच्या पदपथांवर जाण्यासाठी जोडमार्ग देखील उपलब्‍ध करून देण्‍यात आला आहे. त्यासोबतच दोन्ही बाजूचे रेल्वे तिकीट खिडकी कक्ष, स्थानक मास्तर कार्यालय, जीना यांची देखील पुनर्बांधणी केली आहे. रेल्वे हद्दीत जिन्याद्वारे पादचारी मार्ग उप-रस्त्याला जोडण्‍यात आला आहे. या सर्व कामांची श्री. बांगर यांनी पाहणी केली. 🔷सद्यस्थितीत मुख्‍य उड्डाणपुलाची सर्व प्रमुख कामे पूर्ण झाली आहेत. रंगकाम, दिवाबत्ती व्यवस्था, रस्ता व इतर आवश्यक अंतिम कामे (Finishing Work) पूर्ण करण्यात आली आहेत. परिसरातील नागरिकांच्या दृष्टीने महत्त्वाचे असलेले ध्वनीरोधक (Noise Barrier) बसविण्याचे काम अंतिम टप्प्यात आहे. एकंदरीतच, दिनांक १० ऑक्टोबर २०२६ पर्यंत उड्डाणपूल सर्वार्थाने वाहतुकीसाठी सज्ज होईल, अशा पद्धतीने कामाची अंतिम पूर्तता करण्यात येत आहे. 🔷उड्डाणपूल प्रकल्पस्थळालगतच्या रस्त्यांवरील वाहतूक प्रवाह, प्रमुख जंक्शन, वाहतूक दिवे (Signals), वाहनांची वर्दळ तसेच पादचाऱ्यांच्या सुरक्षिततेच्या अनुषंगाने आवश्यक उपाययोजनांबाबत श्री. बांगर यांनी सूचना केल्‍या. वाहतुकीस अडथळा निर्माण होऊ नये, यासाठी वाहतूक पोलिसांच्या समन्वयाने योग्य त्या ठिकाणी दिशादर्शक फलक, बॅरिकेडिंग तसेच आवश्यकतेनुसार वाहतूक नियमनाची व्यवस्था करावी. अधिक गर्दीच्या वेळेत पुलाच्या पोहोच रस्त्यापासून वाहतूक कोंडी होणार नाही, यादृष्टीने वाहतूक पोलिसांसमवेत नियोजन करावे, असे निर्देश श्री. बांगर यांनी दिले. 🔷पोलिस उपायुक्‍त (वाहतूक - पूर्व विभाग) श्री. प्रदीप चव्‍हाण, महानगरपालिकेचे मुख्‍य अभियंता (पूल) श्री. राजेश मुळे, उपप्रमुख अभियंता (पूल) श्री. नरेश मेघराजानी तसेच संबंधित अधिकारी उपस्थित होते. #mybmcupdates @CMOMaharashtra @mieknathshinde @SunetraA_Pawar @ShelarAshish @MPLodha @TawdeRitu @misanjayghadi

— माझी Mumbai, आपली BMC (@mybmc) October 8, 2026